Кыргызстандын тышкы иштер министри Чыңгыз Айдарбеков Казакстандын тышкы иштер министринин орун басары Марат Сыздыковду кабыл алды. Жолугушууда тараптар Казакстандын президенти Касым-Жомарт Токаевдин Кыргызстанга боло турган мамлекеттик сапарын даярдоонун жүрүшүн талкуулашты. Бул тууралуу Тышкы иштер министрлигинин маалымат кызматы билдирди.
Айдарбеков менен Сыздыков өз ара аракеттенүүнүн келечектерин да белгилешти. Ал эми казак лидери качан Кыргызстанга келери тууралуу так дата айтылган жок.
Мындан тышкары Марат Сыздыков Бишкекте өткөн ТИМдер аралык консультацияларга да катышты.
