Бишкекте төрт кыз клубдун кароолчусун жана патрулчуларды сабашты. Окуя 25 -августта саат 03:00 чамасында «Nirvana» түнкү клубунда болгон. Окуянын видеосу социалдык тармактарда тараган.
«Мекемеге мас абалында келгендер урушуп, коопсуздук кызматкери тынчтандыруу үчүн аларга жакындаганда, төрт кыз ага кол салып, бетин сындырып салышкан. Окуя болгон жерге Патрулдук милициянын кызматкерлери келишкен, аларга да кол салуу болгон. Баары Свердлов районунун ички иштер башкармалыгына жеткирилип, кошумча иликтөө иштери жүргүзүлдү», — дешти күбөлөр.
