Бүгүн, 30-сентябрда Бишкек шаардык сотунда Свердлов районунун акиминин орун басары Руслан Бекназаровдун баш коргоо чарасы каралды.
Сот буга чейин Биринчи май райондук сотунун Бекназаровду 12-октябрга чейин камакка алуу чечимин өзгөртүүсүз калтырды.
Бекназаров социалдык тармактарда экстремисттик материалдарды таратууга шектелүүдө. Ал 14-сентябрда суракка чакырылып, андан кийин камакка алынган.
Эскерте кетсек, Руслан Бекназаров — саясатчы Азимбек Бекназаровдун уулу. Азимбек Бекназаров уулунун кармалышын өзүнүн азыркы бийликке айткан сындары менен байланыштырып, ага эскертүү катарында жасалган иш-аракет катары көрөрүн билдирген.
Биздин Телеграм каналга катталыңыз