Президент Садыр Жапаров бүгүн, 24-апрелде мамлекеттик сапар менен Азербайжанга жөнөп кетти. Бул тууралуу президенттин маалыматы кызматы билдирди.
Сапардын алкагында Жапаров Азербайжандын президенти Ильхам Алиев менен жолугат.
Кыргызстандын расмий делегациясы:
- тышкы иштер министри Жээнбек Кулубаев;
- министрлер кабинетинин төрагасынын орун басары — суу ресурстары, айыл чарба жана кайра иштетүү өнөр жай министри Бакыт Төрөбаев;
- президенттин администрациясынын тышкы саясат бөлүмүнүн башчысы Муратбек Азымбакиев;
- билим берүү жана илим министри Догдуркүл Кендирбаева;
- маданият, маалымат, спорт жана жаштар саясаты министри Алтынбек Максутов;
- санариптик өнүктүрүү министри Нурия Кутнаева;
- транспорт жана коммуникациялар министри Тилек Текебаев;
- энергетика министри Таалайбек Ибраев;
- экономика жана коммерция министри Данияр Амангельдиев;
- эмгек, социалдык камсыздоо жана миграция министри Гүлнара Баатырова;
- саламаттык сактоо министри Алымкадыр Бейшеналиев;
- юстиция министри Аяз Баетов;
- «Мамлекеттик ипотекалык компания» ачык акционердик коомунун башкармасынын төрагасы Алмамбет Шыкмаматов;
- Кыргызстандын Азербайжандагы элчиси Кайрат Осмоналиев;
- президенттин иш башкаруучусу Каныбек Туманбаев.