Президент Садыр Жапаров Тажикстандын президенти Эмомали Рахмонго кар көчкүдөн адамдардын курман болгондугуна байланыштуу көңүл айтты. Бул тууралуу президенттин басма сөз кызматы билдирди.
«2023-жылдын 15-февралында Тажикстандын Тоолуу-Бадахшан автономдуу облусунда кар көчкүнүн кесепетинен адамдар каза болду деген суук кабарды терең кайгыруу менен кабыл алдым.
Жалпы Кыргызстан элинин жана жеке өзүмдүн атымдан каза болгондордун үй-бүлөлөрүнө жана жакындарына көңүл айтып, аза кайгысын тең бөлүшөм. Жараткандан жабыр тарткандардын тез арада сакайып кетишин тилейм», — деп айтылат көңүл айтуу телеграммасында.
Эскерте кетсек, 15-февралда Тажикстандын Тоолуу-Бадахшан автоном облусунда кар көчкү жүрүп, 25 адам каза болгону кабарланган. Маалыматка караганда, каза болгондордун арасында этникалык кыргыздар бар.
Биздин Телеграм каналга катталыңыз