Бүгүн, 27-октябрда Астана шаарында президент Садыр Жапаров Казакстандын президенти Касым-Жомарт Токаев менен жолугушту.
Садыр Жапаров Астанага «Европа Биримдиги – Борбор Азия» саммитине катышууга барган.
Жолугушууда президенттер эки өлкөнүн экономикалык, транспорттук-логистикалык, маданий-гуманитардык багыттарда кызматташуусун талкуулаган.
Токаев Казакстан менен Кыргызстандын ортосунда эч кандай пикир келишпестиктер жок экенин белгилеп, эки тараптуу өнөктөштүк өнүгө берерине ишеним артарын билдирген.
Ошол эле учурда Жапаров, Кыргызстан кыргыз-казак алакасын жогору баалай турганын айтып, Токаевди эки өлкөнүн дипломатиялык мамилелеринин түзүлгөндүгүнүн 30 жылдыгы менен куттуктаган.
Биздин Телеграм каналга катталыңыз