Бүгүн, 9-июлда, президент Садыр Жапаров мамлекеттик сапар менен Монголияга жөнөп кетти. Бул тууралуу президенттин басма сөз кызматы билдирди.
Сапардын алкагында Садыр Жапаров Монголиянын президенти Ухнаагийн Хурэлсух, премьер-министр Лувсаннамсрайн Оюун-Эрдэнэ, Монголиянын Улуу мамлекеттик хуралынын төрагасы (парламент) Гомбожавын Занданшатар менен эки тараптуу сүйлөшүүлөрдү жүргүзөт.
Ошондой эле бир катар жогорку деңгээлдеги иш-чаралар жана өнөр жай ишканаларына баруу пландаштырылган.
Кыргызстандын расмий делегациясы:
Айгүл Жапарова — президенттин жубайы;
Жээнбек Кулубаев — тышкы иштер министри;
Эдил Байсалов — Министрлер кабинетинин төрагасынын орун басары;
Муратбек Азымбакиев — президенттин администрациясынын тышкы саясат бөлүмүнүн башчысы;
Айбек Артыкбаев — Кыргызстандын Монголиядагы элчиси;
Алтынбек Максүтов — маданият, маалымат, спорт жана жаштар саясаты министри;
Тилек Текебаев — транспорт жана коммуникациялар министри;
Данияр Амангелдиев — экономика жана коммерция министри;
Умбриэл Темиралиев — президентке караштуу инвестициялар боюнча улуттук агенттигинин директору;
Эмилбек Абдыкадыров — Бишкек шаарынын мэри;
Самат Насирдинов — айыл чарба министринин орун басары;
Эмил Осмонбетов — жаратылыш ресурстары, экология жана техникалык көзөмөл министринин орун басары.
Бардык жаңылыктар Телеграм каналда