Президент Садыр Жапаров Орусияга иш сапарына даярдануу үчүн учурда изоляцияда. Бул тууралуу РИА Новостиге мамлекет башчынын басма сөз кызматы билдирген.
«Садыр Нургожоевич жакында боло турган Орусияга иш сапарга даярданып жатат. Эми ал коронавирус пандемиясынын фонунда эпидемиологиялык коопсуздукту сактоо максатында өзүн изоляциялап жатат», — деген басма сөз кызматынын өкүлү.
Президенттин администрациясында көрсөтүлгөндөй, иш сапардын так күнү азырынча белгисиз. Буга чейин РИА Новостинин дипломатиялык булагы иш сапар 24-25-февралда болот деп билдирген.
Кыргызстандын жаңы президенти Жапаров Орусия республиканын башкы стратегиялык өнөктөшү деп бир нече жолу айткан. 10-январдагы шайлоодон жеңип чыккандан көп өтпөй, ал биринчи чет өлкөгө сапарын Орусияга жасоону пландап жаткандыгын жарыялаган болчу.
