Президент Садыр Жапаров бул аптада Өзбекстанга иш сапары менен барат.
Жапаров 11-ноябрда Самаркандда өтө турган Түрк мамлекеттер уюмунун саммитине катышат. Өзбекстандын Тышкы иштер министрлигинин маалыматына караганда, бул иш-чара аталган уюмга кирген өлкөлөрдүн башчылары үчүн Түрк кеңеши былтыр ноябрь айында Түрк мамлекеттер уюму болуп өзгөргөндөн кийин өтө турган биринчи саммит болмокчу.
Эскерте кетсек, Түрк мамлекеттер уюмуна Кыргызстан, Азербайжан, Казакстан, Түркия, Өзбекстан мүчөлүк кылат. Ал эми Венгрия менен Түркмөнстан байкоочу мамлекеттер болуп саналат.
Биздин Телеграм каналга катталыңыз