Президент Садыр Жапаров бүгүн, 21-майда, Венгриядагы иш сапарынын алкагында премьер-министр Виктор Орбан менен жолугушуп, эки тараптуу кызматташтыкты өнүктүрүү маселелерин талкуулады.
Жолугушууда соода-экономикалык жана инвестициялык байланыштар, инфраструктура, логистика, технология жана өнүктүрүү фондунун ишмердүүлүгү сыяктуу темалар көтөрүлдү.
Садыр Жапаров Венгер-Кыргыз өнүктүрүү фондунун капиталын 50 млн долларга чейин көбөйткөнү үчүн ыраазычылык билдирди.
Тараптар стратегиялык өнөктөштүктү тереңдетүүгө жана конструктивдүү диалогду улантууга макулдашты.