Президент Садыр Жапаровдун «Элдик курултайды чакыруу жөнүндө» жарлыгы жокко чыгарылды. Тиешелүү жарлыкка Садыр Жапаров кол койгон.
Президентин маалыматы кызматы билдиргендей, былтыр 15-августта Садыр Жапаров тарабынан «Элдик курултайды чакыруу жөнүндө» жарлыкка кол коюлуп, анын негизинде 25-ноябрда Бишкекте 1 миң 74 делегаттын катышуусунда биринчи Элдик курултай өткөн. Аталган жардык тиешелүү мыйзам кабыл алынганга чейин чыгарылган.
«Элдик курултай жөнүндө» конституциялык мыйзамы кабыл алынгандыгына жана күчүнө киргендигине байланыштуу президентинин 2022-жылдагы «Элдик курултайды чакыруу жөнүндө» жарлыгы күчүн жоготту, аны менен бирге 2022-жылдын 25-ноябрында болуп өткөн Элдик курултайдын делегаттарынын ыйгарым укуктары токтотулду», — деп айтылат маалыматта.
Биздин Телеграм каналга катталыңыз