Жарандар санитардык эрежелерди сактабай жатышат. Бул тууралуу саламаттык сактоо министри Сабиржан Абдикаримов бүгүн, 22-июнда брифингде билдирди.
Министр жарандарды өзүн-өзү дарылабоого жана санитардык талаптарды сактоого чакырды.
“Тилекке каршы, биздин жарандар санитардык эрежелерди сактабай жатышат. Тойлорду өткөрүп, коноко барышууда. Мамлекеттик органда иштегендер жумуштан илдет жуктуруп алып, үйлөрүнө келгенде үй-бүлөсүнө, жакындарына жугууда. Бул жеке гигиенаны сактабагандыктан, беткап кийбегендиктен болууда. Көп адамдар үйлөрүндө өзүн-өзү дарылашып, илдеттин коркунучун сезбей жатышат”, — деп белгиледи министр.