Салык декларациясын тапшырбаган, белгиленген мөөнөттү бузуу менен тапшырган жана туура эмес маалыматтарды көрсөткөн мамлекеттик жана муниципалдык кызматкерлер айыпка жыгылды. Бул тууралуу Башкы прокуратурадан билдиришти.
Маалыматка ылайык, жалпы 2 миң 511 кызматкерге Укук бузуулар кодекси боюнча иш козголуп, материалдар сотко жөнөтүлгөн. Алардын ичинен 1 миң 510 кызматкерге 6 млн 40 миң сом айып салынган. Калгандарынын иши сотто каралууда.