Өткөн аптада (18-декабрдан 24-декабрга чейин) сасык тумоо жана башка вирустук илдеттер менен ооруган жарандардын саны 40,2 пайызга көбөйүп, 16 миң учур катталды. Бул тууралуу Мамлекеттик эпидемиологиялык көзөмөл департаменти билдирди.
Ооругандардын 65,2 пайызы 14 жашка чейинки балдар (10 миң 578) .
Департамент бул мезгилде А тобундагы сасык тумоо күч аларын белгилейт.
Андан сырткары COVID-19 инфекциясын жуктуруп алгандар дагы бар. Күнүнө 2-5 учур катталууда.
Департамент беткап тагып, санитардык талаптарды сактап, ооруган балдарды үйдө алып калып, дарыгердин кароосу менен гана дарылоо кеңешин берет.
Биздин Телеграм каналга катталыңыз