Бүгүн, 10-августта Семёнов чокусунун батыш тарабынан түшкөн кар көчкү алдынан чет өлкөлүк жаранды издөөгө «Эдельвейс» кошуунунан 5 куткаруучу чыгып кетти. Бул тууралуу ӨКМден билдиришти.
Маалыматка караганда, алар чокунун түндүк-батыш тарабынан түшкөн кар көчкүнүн ылдыйтан өйдө карай издөө иштерин жүргүзүшмөкчү. Куткаруу тобу Семёнов чокусунан “Хижина Наукага” түнөккө калышат.
Эске салсак, Семёнов — Тянь-Шань чокусуна 14-июлда 34 жаштагы К.С. аттуу чет өлкөлүк жаран чыгып кетип, байланышка чыкпай жаткандыгы тууралуу туугандары билдиришкен. Бул жаран «Эдельвейс» куткаруу кошууну тарабынан тынымсыз изделип жатат.
Биздин Телеграм каналга катталыңыз