Мындан үч жыл мурун азыркы VI чакырылыштагы парламент депутаттарынын демилгеси менен 9 пайызга көтөрүлгөн шайлоо босогосу кайрадан 7 пайызга түштү.
Жакында эле, дал ошол VI чакырылыштагы парламент депутаттары кабыл алган мыйзамга президент Сооронбай Жээнбеков 30-июнда кол койду. Ага ылайык күздө өтө турган парламенттик шайлоо жети пайыздык чек менен өтмөй болду.
2017-жылдагы шайлоо босогосунун 9 пайызга көтөрүлүшүнүн максаты “КСДП түбөлүк бийликтен кетпеш керек» деген таризде кабыл алынган.
Анткени шайлоо босогосу жогору болсо парламентке жаңы күчтөр кире алышпайт. Бийликтин партиясы жана олигархтар парламентти ээлеп, чыныгы элдин өкүлдөрү, элдин башка катмарынын үнү угулбай калмак…
