Кыргызстандын жаңы гимни 2025-жылдын апрель айына чейин кабыл алынышы керек. Бул тууралуу Жогорку Кеңештин төрагасы Нурлан Шакиев билдирди.
Бүгүн, 3-декабрда парламентте Шакиев гимнди өзгөртүү маселеси боюнча кеңешме өткөргөн.
Жыйында ал жаңы гимндин текстин жана обонун жазууга тайрыйбалуу композитор, акындар гана эмес, чыгармачылыкка кызыккан ар бир жаран катыша аларын билдирген.
Шакиев эң кеч дегенде келе жаткан жылдын апрель айына чейин жаңы гимн кабыл алынышы керектигин айткан. Аталган убакытка чейин кеңири талкуулар уюштурулуп, сынактар өткөрүлүп бүтүшү зарыл.
Ошондой эле ал азыркы гимндин текстине, обонуна карата түрдүү пикирилер айтылып келгенин, кайырмасы Кыргыз ССРинин гимнине окшош экенин билдирген.