Сокулук районунда каракчылыкка шектүүлөр кармалды. Бул тууралуу Чүй облустук ички иштер башкы башкармалыгынын басма сөз кызматы билдирди.
19-декабрда милицияга арыз менен 1977-жылы туулган Ж.К. кайрылган. Ал арызына 18-декабрь күнү саат 22.00дөр чамасында Жал айылында жайгашкан дүкөндөрдүн биринин жанынан белгисиз адамдар аны сабап, 10 миң сомдук телефонун тартып алышканын жазган.
Аталган факт Кылмыштардын бирдиктүү реестрине «Каракчылык» беренеси боюнча катталган.
Шектүү катары мурда соттолгон 1985-жылы жана 1980-жылы туулган жарандар кармалган. Алар убактылуу кармоочу жайга киргизилди. Учурда сотко чейинки териштирүүлөр уланууда.