Сокулук районунун прокурору Бактыбек Сыргаков каза болду. Бул тууралуу Чүй облустук прокуратурасынан билдиришти.
Маалыматка ылайык, Бактыбек Сыргаков илдеттен улам, кечээ, 9-августта каза тапкан.
Бактыбек Сыргаков 1963-жылы 28-январда Талас облусунун Бакай-Ата районундагы Боо-Терек айылында туулган.
Ал прокуратурада өз кызматын 1989-жылы тергөөчү болуп баштаган.
Кемин райондук, Ош шаардык, Ош облустук, Өзгөн райондук, Талас облустук прокуратурасында эмгектенген. Баткен облусунун прокурору, Талас, Ош облусунун прокурорунун орун басары кызматтарын аркалаган.
2019-жылдын февраль айынан тарта Сокулук районунун прокурору болуп иштеп жаткан.