Сокулук районунда денеге оор залал келтирген деген шек менен жергиликтүү тургун кармалды. Бул тууралуу Чүй облустук ички иштер башкы башкармалыгынын басма сөз кызматы билдирди.
Маалыматка караганда, милицияга А.К. аттуу жаран арыз менен кайрылган. Ал билдиргендей, 25-февралда Б.К. аттуу жаран мас абалында анын аялына бычак сайган.
Жабырлануучу аймактык ооруканага жеткирилген.
Аталган факты боюнча Кылмыш-жаза кодексинин “Ден соолукка оор залал келтирүү” беренеси боюнча кылмыш иши козголду.
Шектүү (Б.К.) кармалып, убактылуу кармоочу жайга киргизилди.
Учурда тергөө иштери уланууда.
Биздин Телеграм каналга катталыңыз