Президент Сооронбай Жээнбеков өлкөдөгү саясий кырдаалга байланыштуу кыргызстандыктарга кайрылуу жасады.
Президенттин басма сөз кызматы тараткан маалыматта, Жээнбеков саясий лидерлерди укуктук талаага кайтып келүүгө чакырып кетен.
Мындан сырткары ал коомдук тартипти орнотуу – бүгүнкү күндүн биринчи милдети болуп турганын айтып, бириккен аракеттер менен кырдаалдан чыгуу керектинин кошумчалаган.
4-октябрдагы парламенттик шайлоонун жыйынтыгына нааразы болгон саясий партиялар 5-октябрда Ала-Тоо аянтына митингге чыккан. 6-октябрга караган түнү митингчилер Ак Үйдү жана УКМКны басып алышкан.
Президент Сооронбай Жээнбеков, 6-октябрда видео кайрылуу жасап, өлкөдөгү соңку окуяларды бийликти күч менен басып алуу катары баалаган.
7-октябрь күнү Ала-Тоо аянтында өтүп жаткан митингге президент Сооронбай Жээнбековго импичмент жарыялоо талабы көтөрүлдү.
