Бишкек шаардык соту Жогорку Кеңештин мурдагы депутаты Адахан Мадумаровдун аппеляциялык арызын кабыл алган жок. Бул тууралуу соттон билдиришти.
Өкүмгө каршы даттануу мөөнөтү өтүп кеткендиктен арыз артка кайтарылды.
Белгилей кетсек, 26-мартта Бишкектин Биринчи май райондук соту Мадумаровду өзгөчө ири өлчөмдөгү алдамчылык жана бийликтен аша чабуу айыбы менен күнөөлүү деп тапты. Бирок кылмыш жоопкерчилигине тартуу мөөнөтү өтүп кеткендиктен, ага жаза берилген жок. Саясатчынын жактоочулары 29-апрелде шаардык сотко аппеляциялык арыз жолдошкон.
26-апрелде Боршайком анын депутаттык мандатын алды.