Жогорку Кеңештин депутаттыгына талапкер Нурбек Алимбековдун иши боюнча Жогорку Сот Бишкек шаардык административдик сотунун чечимин күчүндө калтырды. Бул туурасында Алимбековдун шайлоо штабынын жетекчиси Нурлан Орозбаев Reporter.kg′ге билдирди.
Анын айтуусунда, №8 Төлөйкөн округунда Жогорку Кеңештин депутаттыгына талапкер Шайлообек Атазовдун Нурбек Алимбековго каршы дооматы четке кагылып, сот Алимбековдун пайдасына чечип берди.
Буга чейин Бишкек шаардык административдик сот Шайлообек Атазовдун өтүнүчүн четке каккан болчу.
Атазов 28-ноябрда өткөн парламенттик шайлоодо Алимбековдун шайлоо штабы бир катар мыйзамсыз аракеттерге барган деген дооматтарды койгон.