Бишкек шаарынын Биринчи Май райондук сотунун чечими менен «Ата Мекен» партиясынын лидери Өмүрбек Текебаев менен экс-элчи Дүйшөнкул Чотоновдун иши каралып, баш коргоо чарасын дагы эки айга узартты.
28-октябрда соттук териштирүүгө берилген эки айлык мөөнөт аяктаган. Ошого байланыштуу дагы эки айга узартылды.
29-августта райондук сот алардын бөгөт чарасын өзгөртүп, сот залынан бошотуп, үй камагына чыгарган.
Белгилей кетсек, Текебаев менен Чотонов орусиялык жаран Леонид Маевскийден «пара алды» деген көрсөтмөнүн негизинде 2017-жылы 8 жылга эркинен ажыратылышкан. Ал эми Маевский Орусияда алдамчылыкка шектелип, камакка алынган.