Орусияда жабык имараттарда беткап тагынып жүрүү сунушталды. Бул тууралуу өлкөнүн Коронавирустук кырдаалды көзөмөлдөө жана мониторинг жүргүзүү боюнча оперативдүү штабы билдиргенин орус басылмалары жазды.
Европанын көпчүлүк өлкөлөрүндөй эле Москвада да COVID-19 илдети көбөйүп жатканы белгиленет, бирок оперативдүү штаб бүгүнкү күндө шаарда оорунун деңгээли Европадагыдан төмөн бойдон калганын баса белгилейт.
Москвада COVID-19 инфекциясынын жаңы учурларынын саны өткөн жумага салыштырмалуу 57% көбөйдү.
«Москвада инфекция менен күрөшүү үчүн бардык зарыл болгон мүмкүнчүлүктөр жана бейтаптарды башкаруунун далилденген алгоритмдери бар. Шаардык поликлиникаларда ОРВИ боюнча дүжүр бөлүмдөрдүн иши мындан ары да күчөтүлдү. Бүгүнкү күндө алар 40% гана жүктөлгөн», — деп айтылат билдирүүдө.