Радиатору бузулган «Союз МС-22» кемеси Эл аралык космос станциясынан Жерге экипажсыз кайтып келерин Роскосмос ырастады. Космонавттарды Эл аралык космос станциясына (ЭКС) кайтаруу үчүн «Союз МС-23» космос корабли учурулат.
«Кеменин абалын талдоону, жылуулук эсептөөлөрдү жана техникалык документтерди эске алуу менен МС-22 кемеси учкучсуз версияда түшүшү керек деген тыянак чыгарылды«, — деди Роскосмостун жетекчиси Юрий Борисов.
«Союз МС-22» космос кораблинин жылуулукту башкаруу системасынын радиаторунун тышкы контурунун басымы 15-декабрда модулга метеороид тийгенден кийин болду.
Роскосмостун космонавттары Сергей Прокопьевдин, Дмитрий Петелиндин жана НАСАнын астронавты Франсиско Рубионун иш сапары 20-февралга чейин узартылды.
Адегенде МС-23тү учуруу 69-экспедициянын мүчөлөрү, космонавттар Олег Кононенко, Николай Чуб жана НАСАнын астронавты Лорел О’Хара менен 16-мартка пландаштырылган, бирок кеме пилотсуз режимде мурунку экипаждын артынан жөнөйт.
Телеграм каналыбызга катталыңыз