Судандагы согуштук кагылышуулардын фонунда талап-тоноочулук башталды. БУУнун маалыматы боюнча, буга чейин өлкөдөн 334 миң адам чыгып кеткен. Аймакта гуманитардык катастрофа сөзсүз болоору болжонууда.
Адамдар Судандагы зомбулуктан качууга аракет кылууда.
Он миңдеген адамдар коңшу мамлекеттердин чек арасын кесип өтүп, Египет, Чад, Түштүк Судан, Борбордук Африка Республикасы жана Эфиопияга качышкан. БУУнун Качкындар боюнча Жогорку комиссарлыгы Судандан 800 миңге чейин адам чыгып кетиши мүмкүн деп эсептейт.
“Катастрофиялык” гуманитардык кризис тууралуу эскертүүлөр көбөйүүдө.
«Азыр биз 18 штаттын 14үндө калктын жер которуусун көрүп жатабыз. Болжол менен 72%, болжол менен 240,000 жаңы жер которгон адамдардын батыш жана түштүк Дарфурда гана катталган» деп билдирди Эл аралык миграция уюмунун басма сөз катчысы Пол Диллон.
Суданда атаандаш генералдардын ортосундагы айыгышкан салгылашуулар үчүнчү жумадан бери уланып, миңдеген адамдар өлүп, жарадар болду.
Куралдуу кагылышуулар уланып жаткан шаарларда талап-тоноо башталды. 2-майда жарыяланган сүрөттөрдө Судандын экинчи чоң шаары Омдурмандагы Хартум Банкынын филиалынан куралчан кишилер чоң ак баштыктарды көтөрүп баратканын көрүүгө болот.
Айрымдар кээ бир үйлөргө кирип сыналгы, алтын, компьютерлерди алып кетишкен.
Биздин Телеграм каналга катталыңыз