“Сулайман-Тоо” улуттук тарыхый-археологиялык музей комплексинин аймагына желим баштык, идиштерди алып чыгууга тыюу салынды. Бул тууралуу Маданият, маалымат, спорт жана жаштар саясаты министрлигинен билдиришти.
Маалыматка караганда, чечимге ылайык комплекстин аймагына желим идиштерге салынган тамак-аш, суусундуктарды алып кирүүгө болбойт. Ошондой эле аталган аймактагы желим идиште сатылган азыктарды, суусундуктарды саткан түйүндөр жабылган.
Аталган чечим былтыр 2023-жылдын 10-августунда президент тарабынан кол коюлган Кыргызстанда желим идиштерди чыгарууга, сатууга тыюу салган мыйзамга ылайык кабыл алынган.