Сумаянын өлүмү боюнча шектүу жаранга соттук-психиатриялык экспертиза дайындалды. Бул тууралуу Жалал-Абад облусттук милициясынын басма сөз кызматынан билдиришти.
2021-жылдын 22-декабрь күнү Сузак РИИБдин криминалдык милиция кызматынын кызматкерлери тарабынан жүргүзүлгөн ыкчам-иликтөө иш чаралардын негизинде кылмышка шектүү катары Сузак районунун тургуну 1973-жылы туулган У.А. аттуу жаран аныкталган.
У.А. суракка алынып, ал иш боюнча күнөөсүн мойнуна алып иштин жагдайын көрсөткөн.
Тергөөнүн жүрүшүндө У.А. аттуу жаран Жалал-Абад облустук ооруканасынын психоневрология бөлүмүндө жин оорусу менен стационардык тартипте дарылангандыгы аныкталды.
«Ошондуктан “Экспертиза жүргүзүү үчүн адамдарды медициналык мекемеге жаткыруу” беренесинин негизинде У.А.га карата 23-декабрда соттук-психиатриялык экспертиза дайындалды. Аны ыкчам өткөрүү жагы Таш-Көмүр шаарына караштуу Кызыл-Жар-12 шаарчасында жайгашкан Республикалык психиатриялык ооруканасынын эксперттерине тапшырылды», — деп жазылат маалыматта.