Жарандык активист Жеңиш Молдокматов камакка алынды. Бул тууралуу анын жактоочусу билдирди.
Анын айтымында, Молдокматов Ички иштер министрлигинде эки жолу сурак берген. Экинчи жолку сурактан кийин ага «Улуттук коопсуздук мамлекеттик комитетин басып алууга аракет кылган» деген айып коюлган.
Учурда аны Бишкек ШИИББдин убактылуу кармоочу жайына камакка алганы кабарланды.