Кыргызстандык спортчу Денис Петрашов сууда сүзүү боюнча дүйнө чемпионатында төртүнчү орунду ээледи.
Ал брасс стилинде 100 метр аралыктагы жарышка катышты. Финалда маарага 55,96 секундда келип, жыйынтыгында төртүнчү орунга татыды.
Денис Петрашов сууда сүзүү боюнча дүйнө чемпионатынын финалына чыккан жана төртүнчү орунду ээлеген биринчи кыргызстандык спортчу болуп калды.
Ал алдыда брасс стилинде 200 метр аралыктагы жарышка катышат.
Мелдеш Будапештте өтүүдө.