Быйыл март айынан тарта Өзгөчө кырдаалдар министрлигинин суучулдары Ысык-Көлдү 22 тонна 506 кг таштандыдан жана 162,3 чакырым тордон тазалады. Бул тууралуу аталган министрликтен билдиришти.
Суучулдар күндүн сууктаганына карабай көлдү тазалоо иштерин улантып, 13-14-ноябрда Түп районунун Ой-Тал, Кутургу айылдарынын тушунда жана Николаев булуңунда суудан таштандыларды, эски жана жаңы салынган торлорду алып чыгышкан. Торго түшүп калган балыктар сууга кайра кое берилген.
ӨКМдин кызматкерлери март айынан бери Ысык-Көлдүн 387 миң 614,63 гектар жерин таштанды жана тордон тазалашкан.
Биздин Телеграм каналга катталыңыз