Бүгүн, 1-августта өзгөчө кырдаалдар министри Бообек Ажикеевдин буйругунун негизинде ушул жылдын май айында сууга чөгүп бара жаткан 2 өспөрүмдүн өмүрүн сактап калган Даниил Дрыгого «Сууга чөккөндөрдү куткаргандыгы үчүн» медалы тапшырылды. Бул тууралуу ӨКМдин маалымат кызматы билдирди.
Эске салсак, 2023-жылдын 22-май күнү ал Чоң Чүй каналына чөгүп бара жаткан 10-11 жаштардагы эки өспүрүмдү куткарып калган.
«Бүгүн Даниилдин эр жүрөктүүлүк менен жасаган эрдиги бааланып, министрликтин жогорку мактоосуна татыды», — деп айтылат маалыматта.
Ал эми ӨКМдин Бишкек шаары боюнча башкармалыгынын өздүк курамы жаштарга жана келечек муундарга үлгү боло турган өмүр сакчысына ыраазычылык билдиришип, ийгиликтерди каалашты.
Биздин Телеграм каналга катталыңыз