Жалал-Абад облусунун Сузак районунун Винсовхоз айылынын дайынсыз болуп жаткан 11 жаштагы Малаасман-оглы Али аттуу тургуну изделүүдө. Бул тууралуу Жалал-Абад облустук милициясынан билдиришти.
Маалыматка караганда, ал 9-октябрь күнү болжол менен саат 17:00до таалада мал кайтарып жүрүп, качып кеткен бойдон дайынсыз болууда.
«Учурда Малаасман-оглы Алинин жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт», — деп айтылат маалыматта.
Белгилери:
- Бою 130-140 см, өңү кара тору, кашы, көзү, чачы кара, орто дене түзүлүштө.
Кийген кийимдери:
- Көк түстөгү жемпер, жашыл-ала түстөгү камуфляж шым, кызыл түстөгү бут кийим.
Дайынсыз болуп жаткан Малаасман-оглы Али тууралуу маалыматы бар жарандар 102, (03722) 7 39 90, 0771 93 60 70, 0553 78 00 78 номерлерине кайрыла алышат.
Биздин Телеграм каналга катталыңыз