Жалал-Абад облусунун Сузак районунда кызын зордуктап жүргөн жаран өмүр бою эркинен ажыратылды. Бул тууралуу Reporter.kg′ге облустук соттон билдиришти.
Маалыматка караганда, иш Сузак райондук сотунда каралып, өкүм бүгүн, 25-майда чыкты. Айыпталуучу 154-берененин 1 жана 4-бөлүгү, 155-берененин 3 жана 4-бөлүгү боюнча күнөөлүү деп табылып, жалпы жаза мөөнөттөрүн кошуу менен өмүр бою эркинен ажыратылган.
Белгилүү болгондой, 43 жаштагы жаран 19 жаштагы кызын кичинекей кезинен бери зордуктап жүргөн. Жабырлануучу быйыл милицияга кайрылып, март айынын аягында шектүү кармалган.
Бул факты боюнча Кылмыш-жаза кодексинин 154-беренеси (зордуктоо) боюнча кылмыш иши козголгон.
Биздин Телеграм каналга катталыңыз