Жалал-Абад облусунун Сузак районунун 26 жаштагы тургуну Дастан Кубатбеков 2022-жылдын 24-февраль күнү үйүнөн чыгып кеткен бойдон кайда экендиги белгисиз болуп жаткан. Бул туурасында Жалал-Абад облусттук милициядан билдиришти.
Маалыматк караганда, жалпыга маалымдоо каражаттарына аркылуу бүт коомчулуктан жардам суралган. Мындан улам кайдыгер эмес жарандардын маалыматтарынын негизинде Дастан Бишкек шаарындагы Манас эл аралык аэропортунда жүргөндүгү белгилүү болгон. Аны аэропорттун коопсуздугун камсыз кылган милиция кызматкерлери таап, жашаган аймагына жөнөтүлгөн.
Дастан туугандарына өткөрүлүп берилип, жакындары милицияга жана жалпы коомчулукка ыраазычылыктарын билдиришти.