Төрөкан Жунусбеков MegaCom компаниясынын башкы директору Акылбек Жамангуловдун кеңешчиси болуп дайындалды. Reporter.kg’ге компаниянын маалымат кызматынан тастыкташты.
Кызматка дайындоо буйругуна 7-декабрда кол коюлгандыгы такталды.
Белгилей кетсек, буга чейин Reporter.kg’ге берген комментарийинде Жунусбеков өзү бул маалыматты биринчи жолу угуп жатканын айтып, четке каккан.
42 жаштагы Төрөкан Жунусбеков мэрияны басып алууга аракет кылган митингчилердин бири. Ал Садыр Жапаров Бишкек шаарынын мэрлигине талапкерлигин өзү колдогонун айтып келет.
