Төрт күн мурун жоголгон 9 жашар Аяна Эмилбекова табылды. Бул тууралуу Бишкек шаардык ички иштер башкы башкармалыгынан билдиришти.
Аяна Эмилбекова 31-октябрда саат 15:00дөр чамасында Бишкек шаарындагы Абдраев көчөсүндөгү үйүнөн чыккан бойдон кайтып келген эмес.
Жакындары укук коргоо органдарына аны табууга жардам сурап кайрылып, издөө иштери жүрүп жаткан. Анын алкагында бүгүн, саат 15:00дөр чамасында жоголгон кыз аман-эсен табылган.
Аяна Эмилбекованын коопсуздугу жана аталгандай фактылар кайталанбашы үчүн анын жакындары менен түшүндүрүү иштери жүргүзүлгөн.
Учурда бул иштин чоо-жайы милиция тарабынан такталууда.