Эркинбек Каимов Жогорку Кеңештин төрагасынын басма сөз катчысы болуп дайындалды. Бул тууралуу парламенттин басма сөз кызматы билдирди.
Тиешелүү буйрукка Жогорку Кеңештин төрагасы Талант Мамытов кол койду.
Эркинбек Каимовдун журналистика жаатында чоң тажрыйбасы бар. Буга чейин ал Жогорку Кеңештин Аппаратынын басма сөз кызматынын жетекчиси, «Кыргыз темир жолу» УК» мамлекеттик ишканасынын басма сөз кызматынын жетекчиси, Жалал-Абад облустук мамлекеттик телекөрсөтүүсүнүн төрагасы. Ошондой эле КР Мамлекеттик телерадиокомпаниясында «Ала-Тоо», «Жетиген», «Кыргызстан», «Кыргызстан Жумалыгы» маалыматтык-аналитикалык берүүлөрүнүн алып баруучусу болгон.