Талант Мамытов Жогорку Кеңештин спикерлигине шайланды. Мындай чечим бүгүн, 29-декабрда парламенттин жыйында кабыл алынды.
Добуш берүүгө 87 эл өкүлү катышты.
Талант Мамытовго 63 депутат, Адахан Мадумаровго 10 депутат добуш берди.
Бардыгына каршы 14 добуш берилди.
Талант Мамытов 1976-жылдын 14-мартында Жалал-Абад облусунун Майлуу-Суу шаарында туулган. 1983-жылы Майлуу-суу шаарындагы №5 орто мектепти бүтүрүп, 1993-жылы Жусуп Баласагын атындагы Кыргыз улуттук Университетинин юридика факультетине тапшырган.
Эмгек жолу:
• 2000-жылы Баткен облустук прокуратурасында мыйзамдарды жана прокуратуранын мыйзамдуу укуктуу актыларын аткарууну көзөмөлдөө боюнча бөлүмдө иштөө менен баштаган.
• 2001-2002-жыл — Жалал-Абад облусунун прокуратурасынынмыйзамдарга соттук токтомдордун ылайык келишин көзөмөлдөө боюнча бөлүмгө прокурор.
• 2002-2004-жыл — Жалал-Абад шаардык прокуратурасында улук тергөөчүсү.
• 2004-2005-жыл — Чаткал райондук прокуратурасында прокурордун жардамчысы.
• 2005-2006-жыл — Кыргызстандын башкы прокуратурасынын уюштурууну камсыз кылуу жана Эл аралык байланыштар башкармалыгы бөлүмүнүн прокурору.
• 2006-жыл – Чүй облусунун Ысык-Ата районунун прокурорунун орун басары.
• 2006-2007-жыл — Жалал-Абад облусунун Сузак районунун прокурорунун орун басары.
• 2007-2009-жыл — Жалал-Абад облусунун Тогуз-Торо районунун прокурору.
• 2010-жыл, январь — прокуратура органдарынан өз каалоосу боюнча бошогон.
• 2010-жылы Жогорку Кеңештин V чакырылышына «Ата-Журт» саясий партиясынан тизме боюнча депутат болгон.
• 2013-жылдын 20-августунда депутаттык мандаттан ажыратылган.
• 2015-жылы — «Республика — Ата-Журт» партиясынын тизмеси менен VI чакырылыштагы Жогорку Кеңештин депутаты болуп шайланган;
• 2020-жылдын 4-ноябрынат тарта Жогорку Кеңештин төрагасы;
• 2020-жылдын 14-ноябрынан тарта КР президентинин милдетин аткаруучу.