Талас облусу боюнча ар бир айылга санитардык-карантиндик посттор коюлуп, адамдардын жана автоунаалардын каттамы дыкат көзөмөлгө алынууда. Өзгөчө муктаждык болбогон жагдайда, жашаган жеринен эч ким, эч жакка чыкпоого тийиш. Бул тууралуу Талас облусттук администрациясынын басма сөз кызматынан билдиришти.
Талас облусунун кире бериши Талдыбулак айылында 21-марттан баштап карантиндик-санитардык пост иштеп жатат. 24-марттан баштап Талас шаарына жана Талас, Бакай-Ата, Кара-Буура, Манас райондорунун бири-бири менен чектешкен аймактарына атайын посттор коюлду.
Санитардык посттордон өтүүгө, өтө зарыл жана жүйөлүү себеп менен каттаган жарандарга гана уруксат берилет.