Талас облусунда калкты пландык эмдөө иштери кызуу жүрүүдө. Бул тууралуу штабдан билдиришти.
Аталган облустун иммунологу Чолпон Сагындыкова билдиргендей, Таластагы айрым айыл өкмөттөрдө калкты эмдөө иштери 60%га аткарылды.
“Быйыл календардык планга ылайык, эмдөө иштерин өз учурунда баштадык. Бирок COVID-19 илдети күчөп, июль айында калкты вакцинациялоо басаңдай түштү. Учурда Талас шаары боюнча 1 жаштагы балдар 40%, 2 жаштагы балдар 37%, 6 жаштагы балдар 38% эмделип бүттү. Сентябрь-октябрь айларында дубандын жашоочуларынын 90% эмдөөгө аракет кылабыз. Учурда облус боюнча мобилдик топтор үймө-үй кыдырып, даректүү эмдөө жүргүзүшүүдө”, — деп белгиледи Сагындыкова.
