№20 Манас шайлоо округунан талапкер Мирлан Назарбеков админстративдик ресурс колдонду деген дооматты милиция карады. Бул туурасында Талас облустук милиция билдирди.
Маалыматка караганда, Н.У. аттуу адам 5-октябрдагы жыйында Мугалимдер күнүнө карата директор, мугалимдерге демөөрчү катары сыйлык бергендиги аныкталды деген арызды текшеришти. Натыйжада бул келтирилген жүйөлөр аныкталган эмес.
Ошондой эле 3-ноябрда Кызыл-Адыр айылынын стадионунда жергиликтүү калк менен жолугушуусуна мектеп окуучуларды үгүт иштерине катыштырды деген даттануулары такталган жок.