Таластагы ат майдандын айнектерин сындыргандар аныкталды. Бул тууралуу облустук милициядан билдиришти.
Маалым болгондой, 19-августта Талас облустук ат майдандын жетекчиси Рафаэл Шайдылдаев «Фейсбуктагы» баракчасында белгисиз адамдар ат майдандын айнектерин сындырып кеткенин айтып чыккан.
Бул факт каттоого алынып, териштирүү иштери башталган. Анын жыйынтыгында ат майдандын айнектерин 10 жаштагы эки бала ойноп сындырып койгондугу аныкталган. Эми балдардын ата-энелери келтирилген чыгымды төлөп бермей болду.
«Ал эми жасалган жорук боюнча ата-энелерге балдарды кароосуз калтыргандыгы үчүн мыйзамдуу чаралар көрүлөт», — деп айтылат маалыматта.