Талас облустук милициясы 16 жаштагы кыздын зордукталышы боюнча иликтөө иштерин жүргүзүп жатат. Бул тууралуу облустук милициянын басма сөз катчысы Динара Сарногоева билдирди.
Маалыматка караганда, окуя 22-ноябрдан 23-ноябрга караган түнү болгон.
“Бул кылмышка шектелип 2 адам кармалды. Учурда алар үй камагында, соттук-медициналык экспертизанын жыйынтыгы чыга элек. Экспертизанын жыйынтыгы чыгып, кыздын зордукталганы аныкталса шектүүлөрдүн баш коргоо чарасы өзгөртүлөт”, — деди Сарногоева.