Талас облусунда дин кызматкерлери арасында футбол боюнча турнир өткөрүлдү. Бул тууралуу муфтияттын басма сөз кызматы билдирди.
Маалыматка караганда, турнир 8-июлда облустук мусулмандарынын казыяты тарабынан уюштурулуп, ал Усейн Мизраимовдун жана Майрам Казакбаевдин жаркын элестерине арналды.
Спорттук иш-чара маркумдарга куран окуу менен башталып, облустун казысы жана Кара-Буура районунун имамы маркумдардын жасаган иштерин эскеришти.
Мелдештин жыйынтыгында 1-орунду Бакай-Ата районунун командасы ээлесе, 2-орун казыяттын командасы берилди. Ал эми 3-орунду Талас районунун командасы алды.
