Ысык-Көлдүн Тамчы айылындагы аэропорттун дубалы кайра кулады. Анын сүрөтү социалдык тармакка жүктөлдү.
Министрлер кабинетинин маалымат кызматынын жетекчиси Дайыр Орунбековдун айтымында, катуу шамал тосмону кулаткан.
«Катуу шамалдан 40 тонналык контейнер дагы ордунан жылып, арматуралар кыйшайып, жеке үйлөрдүн дубалдары дагы урап калганын жергиликтүү эл видеого тартып чыгарып жатат. Андыктан, окуяны бурмалап, андан терс пикир жарата бербейли. Ал жердин шамалына дубал туруштук бере албайт экен, андыктан тор тосмолор коюла турганын билдиребиз», — дейт ал.
Белгилейм кетсек, өткөн жылы дагы аэропорттун дубалы урап, ал подрядчы компаниянын эсебинен кайра тургузулган.
Биздин Телеграм каналга катталыңыз