Жогорку Кеңештин Эл аралык иштер, коргоо, коопсуздук жана миграция боюнча комитети Кыргызстандын Украинадагы элчиси кызматына Идирис Кадыркуловдун талапкерлигин жактырган жок. Жыйын бүгүн, 24-январда өтүүдө.
Кадыркуловдун талапкерлигин үч депутат колдоп, төртөө каршы добуш берди.
Бир катар депутаттар атайын дипломатиялык билими жок адамдарды элчиликке сунуштап жаткан Тышкы иштер министрлигин сынга алышты.
Буга чейин Идирис Кадыркулов УКМКны жетектеп, 2019-жылдын май айында өз каалоосу менен кызматтан кеткен.