Жалал-Абаддын Таш-Көмүр шаарында дайынсыз жоголгон 54 жаштагы жаран изделүүдө. Бул тууралуу Өзгөчө кырдаалдар министрлигинен билдиришти.
Маалыматка караганда, 54 жаштагы К.Ж. аттуу жаран 25-августта болжол менен саат 07:00до үйүнөн чыгып кеткен бойдон дайынсыз болуп жатат. Буга чейин аны шаардык милициянын кызматкерлери издеп, издөө иштеринен майнап чыккан эмес.
4-сентябрь күнү ӨКМдин «112» кызматына издөө иштерине көмөктөшүү тууралуу кайрылуу түшкөн.
5-сентябрда издөө иштерине 8 куткаруучу тартылган.
Биздин Телеграм каналга катталыңыз