Президент Сооронбай Жээнбеков Садыр Жапаровду премьер-министрликке бекитүү тууралуу бүгүн жарлык чыгаруусу керек. Мындай пикирин бүгүн, 14 октябрда “Мекенчил” партиясынын лидери Камчыбек Ташиев билдирди.
Анын сөзүнө караганда Садыр Жапаровду премьер-министрликке бекитүү тууралуу Жогорку Кеңештин токтому президенттин аппаратына берилген. Азыр президенттин кол коюусун гана күтүшүүдө.
Президент тийиштүү жарлыкты чыгаргандан кийин гана Садыр Жапаров өкмөт башчы катары маалымат жыйын берери күтүлүүдө.
